Hurt «Lapis Trubiackoj» prezentavaŭ klip na svaju novuju pieśniu «Ahieńčyki». Heta — adna z samych pryhožych i liryčnych pieśniaŭ za ŭsiu historyju hrupy, śćviardžaje sajt hurta. Režyser klipa — Alaksiej Cierachaŭ, toj samy, jaki stvaryŭ animacyju dla klipaŭ «Au», «Ružačka» dy «Kapitał».
«Ja daŭno vynošvaŭ ideju stvaryć pseŭda-3D, animavać fotki, — uzhadvaje Cierachaŭ. — Pracavaŭ nad hetym hadoŭ piać, adtočvaŭ techniku, rabiŭ testy pa hraficy. A kali pačuŭ «Ahieńčyki», rašeńnie pryjšło imhnienna: budu rabić retra-klip z fotazdymkaŭ poźnie-savieckaj epochi».
Vykarystańnie savieckaha vizualnaha šerahu ŭ sučasnaj maskultury — dastatkova pašyranaja źjava. Ale, u adroźnieńje ad mnohich inšych prykładaŭ takoha pryjomu, animacyja Cierachava atrymałasia sapraŭdy hustoŭnaj. Heta — nastalhija nie pa savieckim ładzie, a pa dziacinstvie, jakoje zastałosia na starych fotazdymkach.
Pahladzieć klip možna tut: