Śledčy kamitet aficyjna paćvierdziŭ fakt kradziažu zbroi ŭ Baranavickim harnizonie.
«Hałoŭnym śledčym upraŭleńniem Śledčaha kamiteta rasśledujecca kryminalnaja sprava, raspačataja kamandziram adnoj z voinskich čaściej Baranavickaha harnizona, pa č. 3 art. 294 i č. 2, 3 art. 295 Kryminalnaha kodeksa Respubliki Biełaruś (kradziež i niezakonnyja dziejańni ŭ dačynieńni da ahniastrelnaj zbroi).
Pavodle dadzienych śledstva, načalnik składa zbroi i bojeprypasaŭ adnoj z vajskovych čaściej vykraŭ zbroju i bojeprypasy, jakija realizavaŭ jak samastojna, tak i praź inšych asob.
U ciapierašni čas pa kryminalnaj spravie ŭziatyja pad vartu 14 čałaviek, jakija mieli dačynieńnie da supraćpraŭnych dziejańniaŭ.
Fihuranty spravy dajuć pryznalnyja pakazańni. Vykradzienaja zbroja vyjaŭlena», — paviedamlajecca na sajcie viedamstva.
Karespandentu NN u Śledčym kamitecie paćvierdzili, što na dadzieny momant znojdzienaja ŭsia zbroja.