Francuzski akcior Sami Nasery adčuvaje siabie dobra paśla praviedzienaj apieracyi ŭ NDI imia Hielmholca, piša RIA Naviny.
Pavodle jaho słoŭ, apieracyja prajšła paśpiachova. Zaraz akcior znachodzicca pad nahladam lekaraŭ. Nasery jašče treba prajści pieryjad reabilitacyi voka.
Bojka z udziełam akciora adbyłasia ŭ noč na 5 žniŭnia. Pa słovach Nasery, jon razam z bratam Łarbi adpačyvaŭ u bary. Tam u jaho zaviazaŭsia kanflikt ź inšym naviednikam, jaki ŭdaryŭ akciora pa tvary.
Nasery źviarnuŭsia da lekaraŭ z dyjahnazam «zakrytaja čerapna-mazhavaja traŭma». U NDI imia Sklifasoŭskaha Nasery akazali miedycynskuju dapamohu i ŭ toj ža dzień vypisali. Paźniej jaho praapieravali ŭ NDI imia Hielmholca.
Palicyja ŭžo znajšła tych, chto źbiŭ Nasery. Vyjaviłasia, što chłopcy — turysty ź Biełarusi.