Kolkaść tych, chto padtrymlivaje zamiežnuju palityku prezidenta Rasii Uładzimira Pucina, za dva hady źniziłasia ad 22% da 16% respandentaŭ, paviedamlaje RBK sa spasyłkaj na vyniki apytańnia, praviedzienaha «Levada-centram» u lipieni.
17% apytanych zajavili, što Pucin abaraniaje dziaržaŭnyja intaresy. U sakaviku 2016 hoda, kali pravodziłasia papiaredniaje apytańnie, hety pakazčyk składaŭ 25%. Pry hetym za dva hady značna vyrasła kolkaść rasiejcaŭ, jakija ličać dziejnaha prezidenta daśviedčanym palitykam — ad 33% da 49%.
Na pytańnie «Čym vam nie padabajecca Uładzimir Pucin» 17% apytanych adkazali, što prezident «źviazany z bujnym kapitałam». Taksama siarod pryčyn niezadavolenaści respandenty nazyvali toje, što Pucinu «čužyja intaresy naroda» (16%) i jon «źviazany z karumpavanymi palitykami» (14%).
Pa 9% ličać, što prezident «nie spraŭlajecca z kiraŭnictvam krainaj» i «ŭsie jaho dziejańni raźličany tolki na pavyšeńnie ŭłasnaj papularnaści».
Apytańnie pravodziłasia 19—25 lipienia 2018 hoda. U im brali ŭdzieł 1,6 tys. čałaviek u 136 nasielenych punktach u 52 rehijonach RF.
