Dla pačatku pracedury pamiłavańnia Aleh Siancoŭ pavinien samastojna źviarnucca da Uładzimira Pucina z takoj prośbaj. Pra heta havorycca ŭ adkazie maci režysiora ad upraŭleńnia pa zabieśpiačeńni kanstytucyjnych pravoŭ hramadzian pry administracyi prezidenta Rasii, pieradaje «Hromadśkie».
Papiaredniaje rašeńnie ab pamiłavańni prymaje kamisija pa pytańniach pamiłavańnia i kiraŭnik subjekta. Kančatkovaje rašeńnie prymaje prezident, padkreślivajecca ŭ dakumiencie.
Maci Siancova źviarnułasia da Pucina z prośbaj ab jahonym pamiłavańni 13 lipienia. «Nie budu Vas pierakonvać u nievinavataści Aleha, choć sama ŭ heta vieru. Prosta skažu, što jon nikoha nie zabivaŭ. Jon užo adsiedzieŭ čatyry hady ŭ turmie. Jaho čakajuć dzieci, małodšy syn pakutuje ad aŭtyzmu. Im kiepska bieź jaho. Jany nikoli nie buduć ščaślivymi biez baćki», — napisała jana.
