Aŭtar kanała «Narodny reparcior» Siarhiej Piatruchin padazrajecca ŭ paklopie na ŭčastkovaha i abrazie supracoŭnikaŭ milicyi ŭ internet-kamientarach.
Siarhiej Piatruchin na fota ŭ centry.
Pra toje, što ŭ dačynieńni da aktyvista raspačali kryminalnuju spravu, stała viadoma jašče ŭ kancy lipienia. Tym nie mienš, da niadaŭniaha času Siarhiej Piatruchin nie viedaŭ, za što kankretna jaho abvinavacili. Detali jamu paviedamili tolki 14 žniŭnia na sustrečy sa śledčym.
Pa słovach błohiera, kryminalnuju spravu pa artykule «Paklop» raspačali pa zajavie ŭčastkovaha za videa, jakoje Siarhiej apublikavaŭ na svaim kanale na YouTube. U roliku aŭtar paviedamiŭ, što pravaachoŭnik źbiŭ žychara Bresta Paŭła Kaminskaha.
Kryminalnuju spravu za abrazu raspačała haradskaja prakuratura. Nahodaj stali kamientary ŭ adras supracoŭnikaŭ milicyi, jakija Siarhiej raźmiaściŭ na ścianie ŭ sacyjalnaj sietcy 3 i 5 krasavika. Jak padkreśliŭ błohier, ciapier hetyja kamientary dla prahladu niedastupnyja.
— Nakolki ja pamiataju, tam nie było pramych abraz, — adznačyŭ Siarhiej Piatruchin.
Infarmacyju pra kryminalnuju spravu TUT.BY paćvierdzili ŭ abłasnym upraŭleńni Śledčaha kamiteta.
