Na hetym tydni ŭ vydaviectvie «Halijafy» vyjšła kniha «Biesapatam» prazaika Juryja Stankieviča. Knihu składajuć napisanyja ŭ roznyja hady raman «Lubić noč — prava pacukoŭ», apovieści «Apładnieńnie jołupa», «Łaviec śviatła poŭni», «Biesapatam», a taksama niekalki apaviadańniaŭ.
Knihi aŭtara vyklikajuć čytacki rozhłas i vostryja sprečki. Dla tvoraŭ Juryja Stankieviča charakternyja napružany siužet, aleharyčnaść, niaprostyja, časam šokavyja situacyi i razvahi pra budučyniu.
Prablemy, jakija stavić aŭtar, vychodziać daloka za ŭnutrybiełaruski kantekst i tyčacca losu jeŭrapiejskaj cyvilizacyi.
«Hetaja reč [»Lubić noč — prava pacukoŭ»] — šykoŭnaja. Jaje atmaśfiera zaciahvaje ź pieršych radkoŭ, trymaje tak, što i pierapynicca niama na čym. I spyniaŭsia časam tolki tamu, što zadušvała — nu niemahčyma było stolki tryvać. Choć naležnaje treba majstru addać — nakolki Juryj Stankievič maluje čornaje ź pieršych radkoŭ, nastolki ž vyrazna bačny šlach da śviatła», — kaža piśmieńnik Valer Hapiejeŭ.
Nabyć knihu možna na sajcie i ŭ kniharni vydaviectva na Niamizie, 3 (cokalny pavierch, boks 47). Jaje košt — 15,8 rubloŭ.
«Halijafy» — niezaležnaje vydaviectva, zasnavanaje ŭ 2007. Śpiecyjalizujecca na vydańni mastackaj litaratury sučasnych aŭtaraŭ, dziciačych knih na biełaruskaj movie i knih, jakija daśledujuć z roznych bakoŭ sučasnuju Biełaruś.
Sačycie za navinami vydaviectva ŭ fejsbuku, ukantakcie i instahramie.
