U Breście abviaścili prysud 20-hadovamu rasijaninu, jaki abvinavačvaŭsia ŭ naniasieńni ciažkaha cialesnaha paškodžańnia.
Na łavie padsudnych chłopiec apynuŭsia paśla kanfliktu sa svaim siabram, jaki adbyŭsia 15 maja. Maładyja ludzi siadzieli ŭ adnym sa dvaroŭ mikrarajona Dubroŭka na łavie kala doma, u jakim pražyvała dziaŭčyna abvinavačanaha. Padčas razmovy paciarpieły raspavioŭ abvinavačanamu, što jaho dziaŭčyna jamu zdradžvaje. Rasijanin staŭ nasuprać svajho tavaryša i ŭdaryŭ jamu nahoj u hałavu. Paśla hetaha jany razyšlisia.
Paciarpieły pryjšoŭ dadomu, dzie jaho stan pahoršyŭsia. Baćki chłopca advieźli jaho ŭ špital. Miedyki dyjahnastavali ŭ bieraściejca zakrytuju čerapna-mazhavuju traŭmu.
Suprać rasijanina raspačali kryminalnuju spravu.
Sud Leninskaha rajona pryznaŭ 20-hadovaha rasijanina vinavatym i pryznačyŭ jamu 4 hady pazbaŭleńnia voli z adbyvańniem pakarańnia ŭ kałonii ŭzmocnienaha režymu.
Abvinavačany raniej da kryminalnaj adkaznaści nie pryciahvaŭsia, škodu paciarpiełamu boku kampiensavaŭ.
Prysud nie ŭstupiŭ u zakonnuju siłu i moža być abskardžany.
