Na poŭdni Adeskaj vobłaści adbylisia paśpiachovyja vyprabavańni kryłataj rakiety ŭkrainskaj vytvorčaści, paviedamlaje Rada nacyjanalnaj biaśpieki i abarony Ukrainy (RNBA).
Na vyprabavańniach prysutničaŭ sakratar RNBA Alaksandr Turčynaŭ, jaki zapeŭniŭ, što ŭkrainskija rakiety zdolnyja zabiaśpiečyć abaronu Čarnamorskaha i Azoŭskaha ŭźbiarežža, pry nieabchodnaści, navat u partach ich bazavańnia.
Pavodle Turčynava, dalokaść palotu rakiety da 300 kiłamietraŭ. Taksama rakiety hetaha kłasa — mahutnaja vysokadakładnaja zbroja, «zdolnaja źniščać lubyja marskija i naziemnyja celi».
Akramia taho Turčynaŭ adznačyŭ, što z dapamohaj kryłatych rakiet možna źniščać vajskovyja i infrastrukturnyja abjekty, u pryvatnaści, «stratehičnyja masty i paromnyja pierapravy ŭ vypadku ich vykarystańnia voraham dla ahresii suprać našaj dziaržavy».