U patryjatyčnym moładzievym łahiery ŭ Złacibory dziaciej i padletkaŭ vučyli vyžyvańniu ŭ pryrodnych umovach, praviłam viadzieńnia boju, vykarystańniu zbroi i vybuchoŭki, piša DW.
Rasijska-sierbski patryjatyčny moładzievy łahier u Złacibory na paŭdniovym zachadzie Sierbii raspuścili praz bojaź hramadskaści. Pra heta ŭ piatnicu, 17 žniŭnia, zajaviŭ u Białhradzie ministr unutranych spraŭ Sierbii Niebojša Stefanavič.
Pavodle jaho słoŭ, krytyki inicyjatyvy vykazvali mierkavańnie, što «dzieci mohuć być vykarystany ŭ karyślivych metach».
Jak pieradavali raniej rasijskija ŚMI, u jakaści instruktaraŭ u łahiery pracavali pradstaŭniki sierbskich i rasijskich vieteranskich i patryjatyčnych abjadnańniaŭ. Pavodle danych infarmahienctvaŭ, siarod ich byli ŭdzielniki bajoŭ na ŭschodzie Ukrainy.
Padletki i moładź va ŭzroście ad 14 da 23 hadoŭ navučalisia vyžyvańniu ŭ pryrodnych umovach, akazańniu pieršaj dapamohi, praviłam viadzieńnia boju: jak pravilna pavodzić siabie padčas bajoŭ, jak stralać z ahniastrelnaj zbroi, vykarystoŭvać vybuchoŭku i abaraniać siabie chałodnaj zbrojaj.
Prezident Sierbii Alaksandr Vučyč skazaŭ, što vajskovyja vučeńni dziaciej — heta «nie Sierbija budučyni» i što dziaržava nie budzie ciarpieć takich dziejańniaŭ.