Miarkujučy pa ŭsim, sprava była na staličnym praśpiekcie Dziaržynskaha. Taksistu na Chery Tiggo niešta nie spadabałasia ŭ pavodzinach kiroŭcy Peugeot, jaki jechaŭ napieradzie, piša abw.by. Kiroŭca, mabyć, zabłakavaŭsia ŭ sałonie, adnak taksist daciahnuŭsia da jaho praz adkrytaje akno. Toj nie adstavaŭ i sprabavaŭ schapić kryŭdziciela za šyju, zatym vyjšaŭ z aŭto i sprabavaŭ źniać taksista na videa.
Jak bačna, sprava skončyłasia jak minimum parvanymi majkami ŭ abodvuch. Što pasłužyła pryčynaj takich emacyjnych razborak, stała viadoma paźniej, kali ŭ internecie ź'viłasia videa z rehistratara kiroŭcy taksi, jaki i ŭčyniŭ razborki na pierakryžavańni. Jon tak patłumačyŭ svaje ahresiŭnyja pavodziny: kiroŭca «Piežo» nachabna pierastrojvaŭsia pierad samym jaho aŭto, navat nie ŭklučyŭšy pavarotnika.
