Vieniesueła devalvuje balivar na 96%, abo ŭ 24 razy. Kab asłabić šok dla nasielnictva, ułady pavysili minimalnuju zarpłatu ź mienš čym $1 da $30 u miesiac, ale ekanamisty kažuć, što hetyja miery daremnyja.
Ułady Vieniesueły pravodziać adnu z samych maštabnych devalvacyj u suśvietnaj historyi, u vyniku jakoj aficyjny abmienny kurs balivara budzie źnižany na 96%. Kali ŭ piatnicu, 17 žniŭnia, aficyjny kurs dalara, ustanoŭleny vieniesuelskim Centrabankam, składaŭ kala 248 tysiač balivaraŭ za dalar, to novy kurs roŭny 6 miljonam za dalar — roźnica ŭ 24 razy.
Ab valutnaj reformie abviaściŭ prezident krainy Nikałas Madura ŭ telezvarocie na minułych vychodnych. «Ja chaču, kab kraina adnaviłasia, i ŭ mianie jość recept. Davierciesia mnie», — pieradaje jaho słovy Reuters.
Novy kurs blizki da nieaficyjnaha kursu na čornym rynku, adznačaje Reuters. Ciapier na čornym rynku adzin dalar kaštuje 6,67 miljona balivaraŭ.
