Ranicaj u niadzielu, 19 žniŭnia, try słuččaki ź dziciom 2-3 hadoŭ pryjšli ŭ park. Jany arandavali viełamabil na hadzinu i katalisia na im pa terytoryi zony adpačynku. Mužčyny byli niećviarozymi. Jany śćviardžajuć: my zabylisia, što praz hadzinu treba było viarnuć viełamabil, i prosta jechali. Dajechali da chaty.
Uładalniki transpartu, kali zaŭvažyli prapažu, pahladzieli zapis ź videakamiery. Zrabili skrynšoty čałavieka, jaki jaho arandavaŭ, i vykłali post u sacyjalnych sietkach z prośbaj paspryjać u pošuku. Pa słovach Andreja Lucko, dyrektara PUP «SanTajm», na pošuki viełamabila spatrebiłasia kala šaści hadzin.
Słuččaki stali telefanavać pa ŭkazanym numary i pisać u kamientarach, dzie zaŭvažyli zhonščykaŭ. Ich znajšli ŭ Łučnikach.
Zhonščyki spačatku sprabavali adžartavacca, ale potym paprasili prabačeńnia i skazali praŭdu: źjechali na viełamabili, tamu što byli pjanymi. Nichto ź ich nie sprabavaŭ źbiehčy.
