Zahadčyca klinika-dyjahnastyčnaj łabaratoryi 9-j haradskoj kliničnaj balnicy Minska prysudžanaja da 3 hadoŭ i 6 miesiacaŭ kałonii. Jak paviedamlaje pres-słužba Minskaha haradskoha suda, žančynie taksama na praciahu 5 hadoŭ zabaroniena zajmać pasady, źviazanyja z vykanańniem administracyjna-haspadarčych i arhanizacyjna-rasparadčych abaviazkaŭ.
Jak vyśvietliła śledstva, abvinavačana z červienia pa śniežań 2016 hoda atrymała niekalki chabaraŭ, usiaho na 6 tysiač jeŭra, «za ŭniasieńnie ŭ prajekt techničnych charaktarystyk aŭtamatyčnaha analizatara mačy takich źmienaŭ, jakija dazvolili b NVPUP «B» ŭdzielničać pry praviadzieńni dziaržaŭnaj zakupki, a taksama ŭ nastupnym atrymlivać vyhady majomasnaha charaktaru».
Sud pryznaŭ žančynu vinavataj i pryznačyŭ joj pakarańnie ŭ vyhladzie pazbaŭleńnia voli na termin 3 hady 6 miesiacaŭ, z kanfiskacyjaj usioj majomaści, z pazbaŭleńniem prava zajmać pasady, źviazanyja z vykanańniem administracyjna-haspadarčych abaviazkaŭ i arhanizacyjna-rasparadčych abaviazkaŭ, na termin 5 hadoŭ.
Prysud u zakonnuju siłu nie ŭstupiŭ i moža być abskardžany i apratestavany va ŭstanoŭlenym zakanadaŭstvam paradku.
Napiaredadni pa abvinavačvańni ŭ chabarnictvie byŭ asudžany namieśnik hałoŭnaha ŭrača Minskaj abłasnoj dziciačaj balnicy. Miedyk atrymaŭ 6 hadoŭ kałonii z kanfiskacyjaj majomaści.