Moładzievaje kryło Partyi BNF abvieściła, što zasnoŭvaje premiju imia Džona Makkiejna.
«Džon Makkiejn zmahaŭsia za svabodu va ŭsim śviecie, rašuča vystupaŭ suprać niespraviadlivaści. Jon byŭ vialikim siabram Biełarusi, nie tolki słovam, ale i spravaj padtrymlivaŭ jaje niezaležnaść i zmahańnie biełaruskaha naroda za svaju svabodu», — havorycca ŭ pres-relizie.
Premija budzie ŭručacca zamiežnikam, jakija zrabili značny ŭniosak u padtrymku niezaležnaści Biełarusi, kulturnaje, palityčnaje raźvićcio krainy albo ŭzdniali biełaruskaje pytańnie na mižnarodnaj arenie. Heta budzie adbyvacca pačynajučy z 2019 hoda ŭ dzień narodzinaŭ Džona Makkiejna.
Taksama aktyvisty ŭ bližejšy čas pačnuć pracu nad pierakładam i ahučvańniem dakumientalnaha filma «Džon Makkiejn, pa kim bje zvon».
