U minskaj pryvatnaj škole «Inavacyja» praviali tematyčny dzień, pryśviečany rasijskamu ściahu. Jon supaŭ z Dniom dziaržaŭnaha ściaha Rasijskaj Fiederacyi, jaki źjaŭlajecca aficyjnym śviatam i adznačajecca 22 žniŭnia. Na heta źviarnuła ŭvahu Darja Zialinskaja, piša Jeŭraradyjo.
Jeŭraradyjo datelefanavałasia da dyrektarki škoły Aleny Miščanka. Jana paćvierdziła, što Dzień rasijskaha ściaha ŭ «Inavacyi» sapraŭdy prajšoŭ. Ale, kaža, heta było nie śviatkavańnie, a tematyčnaje mierapryjemstva ŭ dziciačym letniku na bazie škoły.
«U nas nie tolki rasijskaha ściaha… U nas pravodziacca i dni Indyi, i inšych roznych krain. My vyvučajem kultury roznych krain. U nas pryvatnaja mižnarodnaja ŭstanova adukacyi, tamu ŭ nas vučacca dzieci z roznych krain. Tamu my pavinny raspaviadać nie tolki vizualna, što takoje ściah Rasii ci ZŠA, a čamu, naprykład, na ściahu Amieryki stolki taho, stolki taho. Heta cełyja kompleksnyja tematyčnyja mierapryjemstvy», — kaža dyrektarka «Inavacyi».
Dyk a Dzień amierykanskaha ściaha ŭ vas taksama byŭ?
«Tak, byŭ, i my na im pra amierykanski ściah raspaviadali», — dadaje Alena Miščanka.
Va ŭstanovie navučajucca dzieci daškolnaha ŭzrostu, a taksama vučni pačatkovaj i siaredniaj škoł. Ciapier u školnikaŭ kanikuły, tamu na jaje bazie i dziejničaje dziciačy letnik. Akramia Dnia rasijskaha ściaha, u im prachodzili Dzień pierakrutaŭ, Dzień śmiechu, Dzień špijona.
