Minski haradski vykanaŭčy kamitet adkazaŭ na zvarot minčan, jakija prasili ŭłady pierajmienavać stancyju mietro «Płošča Lenina» u «Płošču niezaležnaści». Adkaz viedamstva raźmieščany na sajcie petitions.by.
Jak vynikaje ź lista, prapanovu ab pierajmienavańni razhledzieła kamisija pa najmieńni i pierajmienavańni praśpiektaŭ, vulic, płoščaŭ i inšych składovych častak Minska. Pierš čym prymać kančatkovaje rašeńnie, kamisija praź ŚMI pacikaviłasia mierkavańniem haradžan na hety kont.
— U kamisiju pastupiła zvyš 40 listoŭ ź mierkavańniami pa hetym pytańni. U 31 liście (u tym liku byli kalektyŭnyja zvaroty) mierkavańni suprać pierajmienavańnia stancyi mietro «Płošča Lenina», — paviedamlaje viedamstva i tłumačyć, što, z ulikam «nieadnaznačnych mierkavańniaŭ žycharoŭ horada», mietrapaliten prapanavaŭ zachavać isnujučuju nazvu stancyi.