Fota Mikałaja Mačanskaha.
U Biełaruś Jakubovič pryjazdžaŭ pa zaprašeńni Mikałaja Mačanskaha, načalnika Minskaha aerakłuba DTSAAF. Jon užo šmat hadoŭ dapamahaje dzieciam ź internata ŭ Biahomli (dakładna — ź Biahomlskaj dapamožnaj škoły-internata Dokšyckaha rajona). Ciapier damoviŭsia ź Leanidam Jakubovičam, kab toj naviedaŭ škołu pierad pačatkam navučalnaha hoda — 31 žniŭnia.
Ź Minska ŭ Biahoml lacieli na viertalocie Mi-2, pasadzili jaho na placoŭcy na ŭskrainie horada.
Fota Mikałaja Mačanskaha.
«Jon tudy pryvioz maroziva, — raspavioŭ Mikałaj Mačanski. — Jak u pieśni, viedajecie: «Prylacić raptam čaraŭnik u błakitnym viertalocie». Maroziva sam razdavaŭ, ja jamu dapamahaŭ».
Reahavali na viadomaha televiadoŭcu vielmi aktyŭna — i dzieci, i darosłyja.
«Heta ŭzrušyła ŭvieś Biahoml, uvieś haradok, usie, chto byŭ žyvy, — usie pryjšli, — uspaminaje Mikałaj. — Jon z usimi pierafatahrafavaŭsia, usich abniaŭ, my pahladzieli kancert».
Fota Mikałaja Mačanskaha.
Paśla viartańnia ŭ Minsk u Leanida Jakuboviča zastaŭsia čas — i jon naviedaŭ Biełaruskuju dziaržaŭnuju akademiju avijacyi, a taksama pryjšoŭ na liniejki ŭ dźvie škoły — himnaziju № 2 i ŭ siaredniuju škołu № 208.
Uviečary 1 vieraśnia Leanid Jakubovič palacieŭ nazad. Ale abiacaŭ viarnucca.
«My vyrašyli da kanca hoda skłaści hrafik naviedvańnia dziciačych damoŭ u vioskach i maleńkich haradach, — kaža Mikałaj Mačanski. — Tam ludzi mała što bačać i vielmi rady, kali sustrakajuć viadomaha čałavieka».
