Raspracoŭščyki hałasavoha pamočnika «Jandeksa» «Alisa» vyrašyli navučyć jaho biełaruskaj, ukrainskaj i kazachskaj movam. Pra heta paviedamlaje hazieta «Viedomosti» sa spasyłkaj na krynicy.
Jak raspavioŭ surazmoŭca vydańnia, «Jandeks» choča navučyć pamočnik movam krain SND, dzie ŭ jaho jość značnaja aŭdytoryja. Vychad zamiežnych viersij «Alisy» mahčymy ŭžo ŭ 2019 hodzie. Druhaja krynica «Viedomostiej» adznačyŭła, što havorka idzie pakul što pra łakalizacyju «Alisy» na ŭkrainskaj, biełaruskaj i kazachskaj movach. Aficyjny pradstaŭnik «Jandeks» Maćviej Kirejeŭ paćvierdziŭ, što kampanija dumaje pra maštabavańnie svajho hałasavoha pamočnika na inšyja movy, adnak zaraz skancentravana ŭ pieršuju čarhu na ruskaj. Dakładnych płanaŭ pierakładu «Alisy» jon nie nazvaŭ.
