Biaspošlinnyja pastaŭki naftapraduktaŭ u Biełaruś źjaŭlajucca ekanamična niemetazhodnymi, ciapier abmiarkoŭvajucca indykatyŭnyja bałansy pastavak na 2019 h. Pra heta zajaviŭ žurnalistam kiraŭnik Minenierha Rasii Alaksandr Novak.
Pavodle jaho słoŭ, Biełaruś zabiaśpiečvaje siabie naftapraduktami za košt pierapracoŭki rasijskaj nafty. Pry hetym Novak adznačyŭ, što šerah naftapraduktaŭ usio ž pastaŭlaŭsia ŭ Biełaruś u 2018 hodzie, patłumačyŭšy heta adzinaj ekanamičnaj prastoraj dźviuch krain.
U pačatku žniŭnia Reuters paviedamlaŭ, što Rasija z kastryčnika prypynić biaspošlinnyja pastaŭki naftapraduktaŭ i zvadkavanaha hazu ŭ Biełaruś. Hetyja dadzienyja paćvierdziŭ RBK čynoŭnik adnaho z rasijskich profilnych viedamstvaŭ.
Jak pakazvaŭ namieśnik staršyni «Biełnaftachima» Andrej Rybakoŭ, Maskva matyvavała hetu prapanovu «stratami rasijskaha biudžetu va ŭmovach pavieličeńnia abjomu ich vyvazu». Akramia taho, ułady Rasii admovilisia dać Biełarusi dziaržkredyt na sumu da $ 1 młrd. Dla adnaŭleńnia pastavak i vydačy kredytaŭ u Maskvie patrabujuć kampiensacyi za pastaŭlenyja raniej Minsku naftapradukty, adznačała ahienctva. Pry hetym u Minfinie abvierhli RBK dadzienyja ab prypynieńni kredytavańnia Minska.
