Čatyry biełaruskija atlety dyskvalifikavanyja za ŭžyvańnie zabaronienych preparataŭ, a trenier - za ich pryznačeńnie. Takaja infarmacyja raźmieščana na aficyjnym sajcie Nacyjanalnaha antydopinhavaha ahienctva (NADA), paviedamlaje BiełTA.
Dyscyplinarnaja antydopinhavaja kamisija vyniesła rašeńnie ab dyskvalifikacyi terminam na čatyry hady ŭ dačynieńni da treniera Siarhieja Višniakova (ciažkaja atletyka), terminam na dva hady ŭ dačynieńni da spartsmienak Anastasii Stankievič (płavańnie) i Alaksandry Mirankovoj (ciažkaja atletyka), terminam na adzin hod u dačynieńni da spartoŭca Arcioma Danilčyka (ciažkaja atletyka) i spartsmienki Aliny Ščapanavaj (ciažkaja atletyka).
Jak rastłumačyli ŭ NADA, Siarhiej Višniak dyskvalifikavany za pryznačeńnie spartoŭcam u spabornicki pieryjad zabaronienaj substancyi. U dopinh-probach ciažkaatletaŭ Arcioma Danilčyka, Aliny Ščapanavaj i Alaksandry Mirankovoj vyjaŭlenaja zabaronienaja ŭ sporcie substancyja (dymietyłpientyłamin). U spartoŭcaŭ anulavanyja vyniki, dasiahnutyja imi ad 3 krasavika 2018 hoda.
U dopinh-sprobie Anastasii Stankievič znojdzieny mieldonij. Pa rašeńni kamisii anulavanyja vyniki, dasiahnutyja spartsmienkaj ad 16 studzienia 2018 hoda.
