Vydaviectva «Januškievič» hatova zapłacić 321 rubiel za najlepšy vodhuk na lubuju biełaruskuju knihu. Uručeńnie ŭžo sioleta.
«Pakul jašče nie ŭcichamirylisia «straści pa Hiedrojciu», dzie nam pavinny nazvać najlepšaha biełaruskaha piśmieńnika, my robim krok u adkaz i chočam vyznačyć najlepšaha čytača. Abviaščajem Čytackuju premiju! Za najlepšy vodhuk (recenziju) na knihu», - tłumačać u vydaviectvie «Januškievič».
Hałoŭny pryz — 321 rubiel. Hetuju sumu atrymaje toj vodhuk, jaki ŭ vydaviectvie paličać vartym.
«Hałoŭnym kryteryjem dla vyznačeńnia pieramožcy budzie nie navukovy razbor tvoru, nie našpihavanaść składanymi terminami i navat nie abjom vodhuku. Samaje važnaje dla nas — zrazumieć, što čytač praniksia tvoram da samych hłybiń, prapuściŭ jaho praź siabie jak štości rodnaje i žyvoje. Vodhuk — heta «kryk dušy», uražańni, emocyi i vysnovy, jakimi čytač nie moh nie padzialicca z navakolnym śvietam. Razumieńnie tvoru i ščyraść vykazvańnia — voś što budzie dla nas pryjarytetam. Taksama my budziem uličvać kolkaść i jakaść reakcyj na vašy vodhuki, tak što ich lepiej publikavać tam, dzie jany čytajucca», - adznačyli arhanizatary. I padkreślivajuć, što ŭdzielničać mohuć vodhuki na knihi roznych vydaviectvaŭ, a nie tolki «Januškieviča».
Umovy vyłučeńnia na Čytackuju premiju.
1. Prymajucca vodhuki na knihi na biełaruskaj movie, vydadzienyja ŭ 2017-2018 hodzie.
2. Vodhuki mohuć być apublikavanyja na lubych publičnych resursach — u kamientaryjach na staronkach knih vydavieckich sajtaŭ (januskevic.by, halijafy.by, lohvinau.by i inš.), u čytackich supolnaściach Livelib, GoodReads, u sacyjalnych sietkach, ŚMI, na internet-partałach, u błohach i h.d.
3. Vodhuki pavinny być apublikavanyja paśla 1 vieraśnia hetaha hoda. Kaniec pryjomu zajavak — 24 śniežnia 2018 hoda.
4. Udzieł «prafiesijanałaŭ ad litaratury» nie dapuskajecca. Heta značyć piśmieńniki, krytyki, litaraturaznaŭcy nie mohuć brać udzieł.
Na adras [email protected] dašlicie link (spasyłku) na svoj vodhuk albo jaho skan (pry drukavanaj viersii).
Padviadzieńnie vynikaŭ abudziecca 26 śniežnia. Uručeńnie premii — užo na nastupny dzień.
