11-14 vieraśnia namieśnik ministra zamiežnych spraŭ Biełarusi Aleh Kraŭčanka naviedaje Varšavu, dzie projduć biełaruska-polskija kansultacyi. Pra heta padčas bryfinhu paviedamiŭ pres-sakratar MZS Anatol Hłaz, piša Radyjo Svaboda
Akramia abmierkavańnia supolnych prablemaŭ palityčnych adnosinaŭ, namieśnik ministra budzie sustrakacca z kiraŭnictvam Nacyjanalnaha polskaha archivu. Miarkujecca, što budzie razhladacca mahčymaść adkryćcia polskich archivaŭ dla biełaruskich daśledčykaŭ i biełaruskich dla polskich.
Taksama ŭ Aleha Kraŭčanki zaplanavanyja kantakty z pradstaŭnikami intelektualnaj elity Polščy i navukoŭcami, jakija pracujuć u sfery mižnarodnaha supracoŭnictva.
Pakul nieviadoma, ci budzie ŭzdymacca pytańnie pieramiaščeńnia žycharoŭ Polščy i Biełarusi, jakija žyvuć u tak zvanaj pamiežnaj zonie. Polski bok užo daŭno vykanaŭ usie pravavyja pracedury, adnak da hetaha času nijakich stanoŭčych źmienaŭ nie adbyłosia.
Anatol Hłaz patłumačyŭ, čamu prypamiežny ruch z Polščaj i Litvoj jašče nie pačaŭ dziejničać.
«Na hety momant hatoŭnaść pamiežnaj infrastruktury dla šyrokaha pavieličeńnia prahnazavanaha patoku nielha nazvać zdavalniajučaj. Na žal, jana dla hetaha nie padrychtavanaja. Da taho ž nierytmična pracujuć na miažy palaki i litoŭcy. Adpaviedna, pakul hetaje pytańnie nia vyrašanaje, prypamiežny ruch nia dziejničaje», — skazaŭ pradstaŭnik MZS.
Biełaruś maje ahulnuju miažu z tryma krainami Eŭraźviazu — Łatvijaj, Litvoj i Polščaj. Adrozna ad Litvy i Polščy, prypamiežny ruch z Łatvijaj ažyćciaŭlajecca ŭžo nia pieršy hod. Jak nieadnarazova zajaŭlali pradstaŭniki i Łatvii, i Biełarusi, prablemaŭ tam nie ŭźnikaje.
