Premjernyja pakazy opiery «Sałamieja», zapłanavanyja ŭ Minsku na 9 i 10 vieraśnia, admienienyja.
Jak paviedamili «Našaj Nivie» ŭ Vialikim teatry opiery i baleta, pastanoŭka «Sałamieja» pieraniesienaja na miesiac — jaje nibyta majuć pakazać u kastryčniku.
Rašeńnie ab hetym pryniataje litaralna siońnia.
Z kułuarnych razmovaŭ artystaŭ vynikaje, što pryčynaj pieranosu staŭ «list viernikaŭ» u Administracyju prezidenta z prośbaj nie dapuskać pastanoŭku.
U Administracyi, maŭlaŭ, uziali paŭzu.
Raniej režysior Michaił Pandžavidze prasiŭ dazvoł u mitrapalita Paŭła na pastanoŭku opiery «Sałamieja» ŭ Minsku.
«My źviarnulisia da patryjaršaha ekzarcha ŭsiaje Biełarusi za zhodaj na pastanoŭku. I ničoha ŭ hetym dziŭnaha niama. Mitrapalit Pavieł paprasiŭ, kab ja jamu raskazaŭ, jak baču hety śpiektakl. Ja rastłumačyŭ, što ŭ samoj opiery «Sałamieja» ničoha raspusnaha i antyklerykalnaha niama. Ale ŭ joj prysutničaje nieŭrasteničny kantekst, jaki stvaraje adčuvańnie niejkaj emacyjnaj raspuščanaści. Nasamreč pjesa Uajlda hłyboka relihijnaja, i ŭ joj vielmi dakładna vykazana toje, pra što my ŭvieś čas kažam i budziem kazać. U opiery «Sałamieja» my havorym pra historyju zachodniaj i chryścijanskaj cyvilizacyi, pra toje, što jana ŭžo znoŭ hinie, jak hinuła kaliści», — kazaŭ jon.
Sałamieja — heta histaryčny piersanaž. Praź jaje, nibyta, zabili Iaana Chryściciela.
