Znamianalna, što reptylija za ŭvieś čas znachodžańnia ŭ zaaparku na absłuhoŭvajučy piersanał ni razu nie napadała. A z uzrostam krakadził i naohuł staŭ spakojnym. Praŭda, niezadavolenaść u jaho vyklikaje, kali ludzi stukajuć pa škłu teraryuma. U takich vypadkach krakadził stanovicca na ŭsie čatyry łapy, nadzimajecca i hučna rykaje.
Pracavać ź im niastrašna, choć spakoj i nieruchavaść krakadziłaŭ mohuć być padmanlivymi, adznačyła subiasiednica.
U dzień naradžeńnia Robina pačastavali syroj jałavičnaj vyrazkaj. Miasam jon i kormicca. Źjadaje zvyčajna kala 500 h štodzionna.
Staražył zaaparku mała ruchajecca i, jak praviła, lažyć u svajoj vannaj i praz škło naziraje za naviedvalnikami zaaparku, skazała Celina Pahieryła.