Ad 17 vieraśnia namieśnikam dekana fakulteta žurnalistyki BDU stanie 30-hadovy Uładzimir Ściapanaŭ.
U 2010 hodzie jon skončyŭ žurfak, potym vučyŭsia ŭ mahistratury i aśpirantury, vykładaŭ u alma mater.
Uładzimir Ściapanaŭ, fota journ.bsu.by
Adnačasova z rabotaj na žurfaku na jaho źviarnuli ŭvahu ŭ Infarmacyjna-analityčnym centry pry Administracyi prezidenta. Jon byŭ daradcam-kansultantam adnaho z upraŭleńniaŭ.
Ściapanaŭ staŭ kandydatam fiłałahičnych navuk, abaraniŭšy dysiertacyju pa temie «Sacyjalnyja miedyja ŭ pracesach transfarmacyi žurnalisckaj dziejnaści ŭ Biełarusi». U śfiery jaho daśledavańniaŭ — praca biełaruskich ŚMI ŭ sacyjalnych sietkach i, u pryvatnaści, vykarystańnie miemaŭ. Pryčym analizujucca miedyja ŭsiaho śpiektru, uklučna z «Chartyjaj'97» i telehram-kanałami.
Kali ž ad pasady dyrektara Instytuta žurnalistyki BDU vyzvalili Siarhieja Dubovika, adnym ź imaviernych pierajemnikaŭ razhladaŭsia i Ściapanaŭ, ale jamu ŭ dakor staviłasia toje, što jon zanadta małady.
Tamu dekanam stała Volha Samusievič, a Ściapanaŭ stanie jaje namieśnikam.
Jaho charaktaryzujuć jak prahresiŭnaha čałavieka, jaki nie trymajecca za sastarełuju savieckuju mietadałohiju i ŭ svaich navukovych rabotach i praktyčnych zaniatkach adlustroŭvaje i analizuje ciapierašniuju rečaisnaść, a nie realii minułaha stahodździa.
