Rejtynh uznačalvaje pryvatnaja kampanija Alaksandra Mašenskaha «Savuškin pradukt». Fota: milknews.ru
Handlovyja adnosiny z Respublikaj Biełaruś pa-raniejšamu składajuć asnoŭnuju častku rasijskaha sielskahaspadarčaha impartu. Pryčym, kali ŭ 2012—2013 hadach na Biełaruś prychodziłasia kala 40% rasijskaha sielskahaspadarčaha impartu, to ŭ 2015—2017 — užo kala 80%.
Adnak, jak adznačaje profilny rasijski resurs Milknews, za pieršaje paŭhodździe 2018 hoda impart asnoŭnych pazicyj, akramia syroŭ, istotna skaraciŭsia: suchoha małaka — na 42%, masła — na 37%, syrovatki suchoj — na 45%. Tym nie mienš, na minułym tydni prahučali zajavy pra toje, što čakajucca kankretnyja damoŭlenaści pa ŭrehulavańni sprečak u ahrapramysłovym kompleksie.
Milknews sumiesna z Streda Consulting padrychtavaŭ rejtynh top-20 najbujniejšych pierapracoŭščykaŭ Biełarusi za 2017 hod pa aficyjnaj vyručcy.
Vyručka pryviedzienaja za 2017 h. (dla dvuch pradpryjemstvaŭ — za 2016 h.) pavodle aficyjnaj buchhałtarskaj spravazdačnaści kampanij.Pieraraźlik hadavoj vyručki kampanij u dołary ZŠA zrobleny pa kursie CB RB na kaniec hoda (31.12.2017 h.). U rejtynh nie byli ŭklučanyja vytvorcy marožanaha.
1. AAT «Savuškin pradukt»
Vyručka ŭ 2017: $457 młn
Mahutnaść pierapracoŭki: 2000 t/sut (maksimalnaja — 3000 t/sut)
Niahledziačy na vialikuju dolu dziaržaŭnych pradpryjemstvaŭ na biełaruskim małočnym rynku, rejtynh uznačalvaje pryvatnaja kampanija Alaksandra Mašenskaha, lidara rejtynhu samych upłyvovych biełaruskich biźniesmienaŭ pa viersii «Ježiednievnika». Pradpryjemstva štohod pierapracoŭvaje bolš za 700 tysiač ton małaka, «Savuškin» uvachodzić u lik najbujniejšych padatkapłacielščykaŭ Bresckaj vobłaści.
2. AAT «Słucki syrarobny kambinat»
Vyručka ŭ 2017: $295 młn
Mahutnaść pierapracoŭki: 2100 t/sut (acenka)
Pradpryjemstva źjaŭlajecca samym bujnym biełaruskim vytvorcam masła i suchoha abiastłuščanaha małaka.
3. AAT «Babuškina krynka»
Vyručka ŭ 2017: $266 młn
Mahutnaść pierapracoŭki: 1700 t/sut
Heta najbujniejšy biełaruski chołdynh pa kolkaści zavodaŭ, jaki abjadnoŭvaje 19 placovak u Mahiloŭskaj vobłaści.
4. Danone Biełaruś
Vyručka ŭ 2017: $180 młn (acenka)
Mahutnaść pierapracoŭki: 450 t/sut
Danone pryjšoŭ u Biełaruś amal 10 hadoŭ tamu. Pradpryjemstvy byli stvorany na bazie sastarełaha cecha pa vytvorčaści małočnaj pradukcyi Pružanskaha małočnaha kambinata i zavoda, stvoranaha na terytoryi AAT «Škłoŭski masłarobny zavod». Danone Biełaruś źjaŭlajecca sumiesnym pradpryjemstvam ź dziaržavaj.
5. AAT «Miłkavita»
Vyručka ŭ 2017: $171 młn
Mahutnaść pierapracoŭki: 1000 t/sut
6. AAT «Minski małočny zavod № 1»
Vyručka ŭ 2017: $158 młn
Mahutnaść pierapracoŭki: 900 t/sut
Źjaŭlajecca lidaram u vytvorčaści dziciačych małočnych praduktaŭ, a taksama adzinym vytvorcam łaktułozy ŭ krainie.
7. AAT «Rahačoŭski MKK»
Vyručka ŭ 2017: $154 młn
Mahutnaść pierapracoŭki: 1400 t/sut
AAT «Rahačoŭski MKK» — častka chołdynhu «Homielskaja miasa-małočnaja kampanija», pa sumiaščalnictvie źjaŭlajecca najbujniejšym pradpryjemstvam pa vypusku małočnych kansiervaŭ u Jeŭropie. Spažyŭcam kambinat asabliva viadomy svajoj zhuščonkaj.
8. AAT «Lidski małočna-kansiervavy kambinat»
Vyručka ŭ 2017: $143 młn
Mahutnaść pierapracoŭki: 1100 t/sut
Źjaŭlajecca samym bujnym vytvorcam suchoha małaka ŭ Biełarusi.
9. AAT «Biarozaŭski syrarobny kambinat»
Vyručka ŭ 2017: $143 młn
Mahutnaść pierapracoŭki: 1000 t/sut
Samaje bujnoje pradpryjemstva pa vytvorčaści syroŭ u krainie.
10. AAT «Biełłakt»
Vyručka ŭ 2017: $132 młn
Mahutnaść pierapracoŭki: 700 t/sut
Adziny ŭ krainie vytvorca suchich małočnych praduktaŭ dla dziciačaha charčavańnia (zamieńnikaŭ hrudnoha małaka i małočnych kaš). AAT «Biełłakt» znachodzicca ŭ Vaŭkavysku.
11. AAT «Mołočnyj mir», Hrodna
Vyručka ŭ 2017: $127 młn
12. AAT «Zdravuška-miłk», Barysaŭ
Vyručka ŭ 2017: $113 młn
13. AAT «Maładziečanski małočny kambinat»
Vyručka ŭ 2017: $77 młn
14. AAT «Małako» Viciebsk
Vyručka ŭ 2017: $75 młn
15. UPP «Hłybocki małočnakansiervavy kambinat»
Vyručka ŭ 2016: $68młn
16. AAT «Ščučynski masłasyrzavod»
Vyručka ŭ 2017: $67 młn
17. Małočnaja kampanija «Navahradskija dary»
Vyručka ŭ 2017: $62 młn
18. AAT «Kobrynski masłarobna-syrarobny zavod»
Vyručka ŭ 2016: $62 młn
19. AAT «Baranavicki małočny kambinat»
Vyručka ŭ 2017: $61 młn
20. AAT «Małočnyja horki»
Vyručka ŭ 2017: $59 młn
Siarod pradpryjemstvaŭ, jakija nie ŭvajšli ŭ rejtynh, analityki nazvali jašče niekalki biełaruskich pierapracoŭščykaŭ.
Tak, u śpis pryvatnych kampanij (akramia «Savuškina pradukta») uvachodzić «Turaŭski małočny kambinat» — lidar u vytvorčaści miakkich syroŭ (vyručka $56 młn u 2017 hodzie), i «Prajmiłk» — adziny ŭ krainie śpiecyjalizavany pierapracoŭščyk syrovatki (mahutnaść pierapracoŭki 200 ton/sutki, vyručka $56 młn u 2017 hodzie).
Akramia Danone, jaki ŭvajšoŭ u rejtynh, u małočny rynak Biełarusi inviestavali i zamiežnyja kampanii.
Siarod takich pradpryjemstvaŭ: «Lachavicki małočny zavod» (byŭ nabyty Lactalis ŭ pačatku 2017 hodu), STAA «Vierchni łuh» (sumiesnaje pradpryjemstva z rasijskim dystrybutaram Kraun Hrup, śpiecyjalizavanaje ŭ vytvorčaści miakkich syroŭ), a taksama pradpryjemstvy z častkovym zamiežnym kapitałam — «Biełaviežskija syry» (biełaruskaje pradpryjemstva z rasijskim kapitałam) i «Biełsyr» (biełaruskaje pradpryjemstva z polskim kapitałam). U dadzieny momant na AAT «Zdravuška-miłk» taksama razhladajecca mahčymaść stvareńnia sumiesnaha pradpryjemstva z kitajskimi inviestarami.