Daždžlivaje i vietranaje nadvorje čakajecca ŭ Biełarusi na hetym tydni, paviedamili BiełTA ŭ Hidramiecie.
U aŭtorak, 25 vieraśnia, nočču miescami, dniom na bolšaj častcy terytoryi krainy projduć karotkačasovyja daždžy. U mnohich rajonach zachavajecca mocny viecier, nočču miescami pa paŭnočnym uschodzie čakajucca paryvy vietru da 22—27 m/s. Tempieratura pavietra ŭnačy +3-8, dniom — +7—13.
U sieradu, 26 vieraśnia, terytoryja Biełarusi nienadoŭha apyniecca ŭ vobłaści pavyšanaha cisku. Nočču budzie biez apadkaŭ, ale chałodna: tempieratura pavietra panizicca da +1—6 hradusaŭ, miescami mahčymy zamarazki da nula — minus 3.
Dniom na paŭnočna-zachodniuju častku krainy buduć akazvać upłyŭ atmaśfiernyja franty čarhovaha paŭnočnaatłantyčnaha cykłonu, čakajucca daždžy i mocny paryvisty viecier. Tempieratura pavietra dniom +8-15.
U čaćvier, 27 vieraśnia, umovy nadvorja na terytoryi Biełarusi buduć vyznačać atmaśfiernyja franty z paŭnočnaha zachadu Jeŭropy. Čakajecca vietranaje i daždžlivaje nadvorje. Na bolšaj častcy terytoryi krainy prahnazujecca mocny viecier. Tempieratura pavietra ŭnačy +4-10. Dniom budzie +10-16, pa paŭdniovym zachadzie - da +18.
U piatnicu, 28 vieraśnia, unačy budzie +3—10. Dniom +10—16, pa poŭdni — +17-20 hradusaŭ.
