Knihi płanujecca vydać 500 asobnikaŭ.
«Moŭny inśpiektar» Ihar Słučak i palittechnołah Alina Nahornaja płanujuć vydać dapamožnik da 9 kastryčnika. U hety dzień adbudziecca prezientacyja knihi «Abaronim movu».
Ihar Słučak raskazaŭ «Našaj Nivie»:
«Ja baču, što biełarusy sapraŭdy hatovyja da abarony svaich pravoŭ i ŭmiejuć, i chočuć pracavać nad ahulnaj spravaj, bo za 2 dni my sabrali nieabchodnuju sumu i na siońniašni dzień svoj uniosak u ahulnuju spravu zrabili 80 čałaviek. Bolšaść ludziej achviaravali 10-20 rubloŭ, ale byli i tyja, chto rabiŭ uniosak i pa 100-200. Da zboru dałučyłasia šmat biełarusaŭ, što žyvuć za miežami».
Nakont padrychtoŭki da imprezy Alina Nahornaja patłumačyła:
«Impreza amal padrychtavanaja. Pamiaškańnie jość - heta budzie ŭ centry Miensku. Na prezientacyi vystupiać muzyki z hurta «Amaroka». Zbolšaha ŭsio zroblena, zastalisia tolki niekatoryja techničnyja momanty. My vielmi ŭdziačnyja ŭsim, chto nam dapamahaje».
Kali atrymajecca sabrać bolš srodkaŭ, ich układuć u jakaść papiery i druku, prezientacyju i pavialičeńnie nakładu.