U MZS, skazaŭ A. Papoŭ, pastupiła aficyjnaja zajava Nadziei Novik — babuli i apiakunki dziaŭčyny, dzie ŭtrymlivajecca prośba zrabić nieabchodnyja zachady pa najchutčejšym viartańni Taciany ŭ Biełaruś.
Nadzieja Piatroŭna paćvierdziła, što ŭnučka pryniała adnaznačnaje rašeńnie viarnucca na radzimu.
Babula ŭ svajoj zajavie vykazvaje zakłapočanaść, što
ciamja Sapata (Zapato) čynić pieraškody na šlachu viartańnia Taciany ŭ Biełaruś i zabaraniaje ŭnučcy kamunikavacca pa telefonie z konsułam u Vašynhtonie.
Hetyja kroki apiakunka Taciany kvalifikuje jak niezakonnaje ŭtrymańnie na terytoryi ZŠA svajoj niapoŭnahadovaj padapiečnaj.
Andrej Papoŭ prainfarmavaŭ, što, niezvažajučy na pratest siamji Sapata, pradstaŭniku MZS udałosia skantaktavacca pa telefonie z Tacianaj, i jana paćvierdziła jamu svaju nastojlivuju prośbu dapamahčy joj jak najchutčej viarnucca dachaty.