Pra heta paviedamiŭ načalnik upraŭleńnia rehulavańnia zabudovy kamiteta architektury i horadabudaŭnictva Minharvykankama Alaksiej Vaha 20 listapada na pasiadžeńni kruhłaha stała pa pytańniach indyvidualnaha žyllovaha budaŭnictva.
Śpiecyjalist zaznačyŭ, što ciapier adbyvajecca karekciroŭka hienieralnaha płana Minska, zhodna ź jakim da 2012 hoda ŭ horadzie budzie budavacca da 2 młn. kvadratnych mietraŭ žylla štohod. Zhodna z hienpłanam, budzie adbyvacca «rezkaje skaračeńnie terytoryj indyvidualnaj zabudovy». «Razmova idzie ab znosie isnujučych terytoryj, jakija zajmajuć 25% usioj płoščy zabudovy horada», — patłumačyŭ A.Vaha.
Razam z tym jon zaznačyŭ, što na dałučanych terytoryjach (Cna, Zacań, Navinki, Cnianka) płanujecca ŭščylnieńnie zabudovyi dazvalajecca ažyćciaŭlać rekanstrukcyju abo novaje budaŭnictva indyvidualnych damoŭ. «Učastki, sumiežnyja z hetymi terytoryjami, płanujecca zareziervavać dla hramadzian, čyje damy buduć źniesieny, a ŭčastki — kanfiskavany dla šmatkvaternaj zabudovy», — paviedamiŭ A.Vaha.
Načalnik upraŭleńnia taksama paviedamiŭ, što razhladajecca prapanova ab mahčymaści vydzialeńnia minčanam ziamielnych učastkaŭ za miežami horada. «Staličnyja ŭłady ŭ hety momant nie majuć mahčymaści vydzialeńnia na zakonnych padstavach raŭnavartasnaha pa płoščy i dobraŭparadkavańni žylla ŭzamien taho, što znosicca. Da hetaha pytańnia my padychodzim dyfierencavana», — zaznačyŭ śpiecyjalist.