U niadzielu 23 listapada ŭ 17.45 u mienskim Čyrvonym kaściole Symona i Aleny adbudziecca prezentacyja knihi ŭspaminaŭ Danuty Bičel «Chadzi na moj hołas».Kniha vyjšła ŭ seryi «Haradzienskaja biblijateka».
«Zachaciełasia skinuć ź siabie sałodkuju niavolu ryfmaŭ, hety pancyr čarapachi. Hetaja knižka — jašče nie raźvitańnie, nie zapaviet, ale padviadzieńnie vynikaŭ, — piša Danuta Bičel va ŭstupie da knihi. — U majoj žyćciovaj pryhodzie paetki najvažniejšymi źjavami byli ludzi, jakija mianie lubili, jakich ja lubiła. Ciapier ja zrazumieła, što pra ludziej, jakija istotna paŭpłyvali na moj los, u vieršach nie napišaš. Daskanałaj movaj prozy ja nie vałodaju. Tamu atrymalisia ese».
Kniha bahata azdoblena zdymkami. Aŭtarka ŭzhadvaje padziei hramadzkaha žyćcia ŭ Biełarusi ŭ 80‑90 hady XX st., Vasila Bykava, Alaksieja Karpiuka, Artura Ciažkaha, Łarysu Hienijuš, Zośku Vieras, Irynu Kreń, Anatola Sysa, Chryścinu Lalko, Janku Bryla, Uładzimiera Karatkieviča, Natallu Arsieńnievu, ajca Ŭładzisłava Čarniaŭskaha, Česłava Miłaša.
Na prezentacyi možna atrymać knihu z asabistym aŭtohrafam aŭtarki.
