pravoslavie.ru
Kiraŭnik Ukrainskaj pravasłaŭnaj carkvy Kijeŭskaha patryjarchata (UPC KP) Fiłaret zajaviŭ, što raźličvaje atrymać Tomas ab aŭtakiefalii (ukaz ab carkoŭnaj niezaležnaści) užo na nastupnym tydni. Pra heta jon raspavioŭ u efiry «5 kanała», videa dastupny na YouTube.
Pavodle jaho słoŭ, rašeńnie ab aŭtakiefalii moža być pryniata na Sabory Kanstancinopalskaha patryjarchata, jaki projdzie z 9 pa 11 kastryčnika. «Ja dumaju, što my zaciahvać nie budziem sklikańnie samoha Sabora. Kali Tomas budzie pryniaty 9-11 kastryčnika hetaha hoda, to ŭ kastryčniku my možam sklikać hety [abjadnaŭčy ŭkrainski] Sabor. Kali ž Tomas budzie pryniaty paźniej, to, viadoma budzie sklikany paźniej, ale ŭ hetym hodzie, my spadziajemsia, što ŭsio heta ździejśnicca», - raspavioŭ Fiłaret.
Jon patłumačyŭ, što tak zvany abjadnaŭčy Sabor budzie adbyvacca z 41 archireja UPC KP, 12 archirejaŭ Ukrainskaj aŭtakiefalnaj pravasłaŭnaj carkvy (UAPC) i 10 archirejaŭ Ukrainskaj pravasłaŭnaj Carkvy Maskoŭskaha patryjarchatu (UPC MP)
