Śledam za inšymi krainami Hiermanija taksama abvinavaciła rasijskaje HRU ŭ datyčnaści da maštabnych kibieratak. Urad Hiermanii «ź imaviernaściu, jakaja miažuje z upeŭnienaściu, zychodzić z taho, što za chakierskaj hrupaj APT28 staić rasijskaja śpiecsłužba HRU», zajaviŭ pradstaŭnik urada Hiermanii Štefien Zajbiert (Steffen Seibert) u Bierlinie ŭ piatnicu, 5 kastryčnika, paviedamlaje DW.
Pa słovach Zajbierta, hetaja acenka hruntujecca na «sukupnaści vielmi dobraj ułasnaj sistemy krynic i sabranych faktaŭ». Akramia taho, Bierlin «całkam daviaraje» źviestkam brytanskich i niderłandskich viedamstvaŭ, skazaŭ pradstaŭnik urada. Hiermanija «rezka asudžaje padobnyja napady na mižnarodnyja arhanizacyi i ŭstanovy svaich sajuźnikaŭ» i zaklikaje Rasiju «pryznać svaju adkaznaść i spynić takija dziejańni».
Drukujecca ŭ miežach śpiecyjalnaj rubryki «Naviny Hiermanii»
