Rasijski bajec źmiešanaha stylu (MMA) Chabib Nurmahamiedaŭ pieramoh irłandca Konara Makhrehara na turniry UFC 229 u Łas-Viehasie.
Pajadynak adbyŭsia ŭ noč na niadzielu, 7 kastryčnika, i zaviaršyŭsia ŭ čaćviortym raundzie.
Rasijanin pieramoh supiernika zdušalnym pryjomam. Paśla hetaha jon vyłajaŭsia na Makhrehara, u lutaści prajšoŭsia pa rynhu i pakazaŭ palcam na adnaho z členaŭ kamandy irłandca. Zatym Nurmahamiedaŭ pieraskočyŭ praź sietku i pabiŭsia ź im. Ich chutka raźniali, adnak paśla hetaha ŭspychnuła masavaja bojka z udziełam Makhrehara i supracoŭnikaŭ palicyi.
Kali bojka zaviaršyłasia, irłandziec syšoŭ u raździavalniu. Nurmahamiedava pryznali pieramožcam, adnak cyrymonii ŭznaharodžańnia nie pravodzili. Rasijanina vyvieli z zały pad śvist hledačoŭ.
Dla Nurmahamiedava hetaja pieramoha stała 27-j u karjery ŭ 27 bajach. MakHrehar prajhraŭ čaćviorty raz pry 21 pieramozie.
