Sienat ZŠA prahałasavaŭ za pryznačeńnie ŭ Viarchoŭny sud prapanavanaha prezidentam ZŠA Breta Kavana, jakoha abvinavačvali ŭ seksualnych damahańniach, paviedamlaje Reuters.
Lutyja sprečki z nahody prapanavanaj Trampam kandydatury Kavana nie ścichali niekalki tydniaŭ. Jaho abvinavačvali ŭ złoŭžyvańni ałkaholem i seksualnym hvałcie.
Z abvinavačvańniami ŭ bok Kavana ŭ seksualnych damahańniach u maładości vystupili jaho byłyja adnakurśniki.
Pavodle rasśledavańnia FBR, abvinavačvańni suprać respublikanca nie paćvierdzilisia.
Kavana atrymaŭ pažyćciovuju pasadu sudździ Viarchoŭnaha suda. Za prahałasavali 50 sienataraŭ, suprać — 48.
Jak paviedamlajecca, Kavana ŭžo pryviedzieny da prysiahi.
Takim čynam, respublikancy atrymali bolšaść u Viarchoŭnym sudzie 5 da 4. Kansiervatary pakidajuć za saboj apošniaje słova pa mnohich sprečnych pytańniach, takich jak aborty, abarot zbroi, pravy ŁHBT, imihracyja.
