Supracoŭniki minskaha KDK zatrymali kiraŭnika złačynnaj hrupy, jakaja niezakonna zarabiła bolš za 9 miljonaŭ rubloŭ na aptovym handli miasam i miasnymi praduktami. A dalej pa łancužku byli raskryty inšyja niezakonnyja schiemy, jakija realizoŭvalisia ŭžo inšymi ludźmi, paviedamlaje sajt Kamitet dziaržkantrolu.
U handlaroŭ miasam apieratyŭniki kanfiskavali pieršasnyja ŭlikovyja dakumienty, piačatki i nośbity infarmacyi. Jany kanfiskavali taksama 240 tysiač jeŭra i 185 tysiač dalaraŭ. Nakładzieny aryšt na majomaść udzielnikaŭ złačynnaj hrupy na 500 tysiač rubloŭ.
Zaviedziena kryminalnaja sprava pa č. 3 art. 233 KK (niezakonnaja pradprymalnickaja dziejnaść). Kiraŭnik złačynnaj hrupy zatrymany i źmieščany pad vartu. Pravodziacca dalejšyja śledčyja dziejańni.
Miarkujučy pa ŭsim, dziakujučy hetaj spravie, Kamitet dziaržkantrolu raskryŭ inšyja niezakonnyja schiemy, jakija realizujucca inšymi ludźmi.
Naprykład, dla svajho niezakonnaha biznesu členy złačynnaj hrupy pa handli miasam vykarystoŭvali dakumienty, atrymanyja ŭ tym liku ad niekalkich iłžepradprymalnickich struktur, zarehistravanych žycharom Viciebska. Paśla stvareńnia łžefirmy jon afarmlaŭ fiktyŭnyja buchhałtarskija dakumienty. U dačynieńni da 49-hadovaha vićbiča raspačatyja kryminalnyja spravy pa č. 2 art. 234 KK (iłžepradprymalnictva).
Viciebski kamiersant akazvaŭ pasłuhi i inšym kamiersantam, dajučy im pakiety fiktyŭnych buchhałtarskich dakumientaŭ.
Tak, indyvidualny pradprymalnik ź Minska i kiraŭnik staličnaj kamiercyjnaj firmy ŭnosili ŭ buchhałtarski ŭlik fiktyŭnyja pieršasnyja dakumienty ab nabyćci tavaraŭ pa zavyšanym košcie. Z-za skažeńnia realnaha pamieru paniesienych vydatkaŭ źnižałasia padatkovaja baza, što paciahnuła ŭchileńnie ad vypłaty padatkaŭ u asabliva bujnym pamiery — ahulnaja suma niedapłočanych u biudžet padatkaŭ skłała bolš za 700 tysiač rubloŭ.
