Na dniach blizu ŭkrainskaj vioski Drozdyń biełaruskija pamiežniki spynili prykładna za 500 mietraŭ ad dziaržaŭnaj miažy adnaho ŭkrainca biez dakumientaŭ. A praź niekatory čas u toj ža miascovaści vyjavili jašče dvaich.
— Ubačyŭšy pamiežnikaŭ, parušalniki pasprabavali schavacca. Padčas pieraśledu vajskoŭcy byli vymušanyja zrabić try papieradžalnyja streły z tabielnaj zbroi, — pryvodzić «Miedyja-Paleśsie» słovy Michaiła But-Husaima, aficyjnaha pradstaŭnika pahranatrada Pinska.
Uciekačoŭ zatrymali, heta byli ŭkraincy ź vioski Staroje Siało. Suprać ich składziena niekalki pratakołaŭ, u tym liku za niepadparadkavańnie słužbovym asobam i niezakonnaje pierasiačeńnie dziaržaŭnaj miažy. Jašče mužčyn aštrafujuć za niapravilny zbor žuravin — jahady jany źbirali z dapamohaj brakańjerskich «ručnych kambajnaŭ».
Usiaho za minuły tydzień na Stolinščynie zatrymali 11 parušalnikaŭ z Ukrainy, jakija niezakonna pierasiekli miažu, źbirajučy dzikarosłyja jahady i raśliny. Jany pryciahnuty da adkaznaści i departavanyja ź Biełarusi na 5 hadoŭ.