Ministerstva ŭnutranaj biaśpieki ZŠA paviedamiła, jak Vašynhton maje namier supraćstajać svaim supiernikam u vypadku ŭžyvańnia ŭzbrajeńnia, jakoje pracuje na novych fizičnych pryncypach. Padrabiaznaści raskryvaje dw.com.
Ministerstva ŭnutranaj biaśpieki ZŠA (MUB) paviedamiła ab pryniaćci Vašynhtonam stratehii pa abaronie krainy ad «pahroz, źviazanych z elektramahnitnymi impulsami (EMI) i abureńniem hieamahnitnaj pola». Adpaviednuju zajavu apublikavała ŭ aŭtorak, 9 kastryčnika, pres-słužba vykanaŭčaha departamienta ŭrada ZŠA.
U stratehii pieradajucca «dakładnaje bačańnie i padychod» MUB «pa abaronie krytyčna važnaj infrastruktury» Złučanych Štataŭ ad «patencyjna katastrafičnych EMI-incydentaŭ», a taksama pryncypy reahavańnia na ich i adnaŭleńnia ŭ padobnych abstavinach.
Dakumient raspracavany z ulikam kansiensusu, najaŭnaha ŭ amierykanskich raźviedsłužbach, adnosna toj niebiaśpieki, jakaja ŭ suviazi z zadziejničańniem hetaha vidu ŭzbrajeńniaŭ moža sychodzić ad praciŭnikaŭ ZŠA.
U pieršuju čarhu, pad pahrozu mohuć być pastaŭleny infrastrukturnyja abjekty, elektryčnyja i transpartnyja sietki, kamunikacyjnaje abstalavańnie.
MUB padrychtuje płan dziejańniaŭ. Stratehija budzie dapoŭnienaja adpaviednym płanam dziejańniaŭ, jaki budzie ŭtrymlivać u sabie śpis kankretnych krokaŭ, zaklikanych «aptymizavać isnujučyja resursy» i zabiaśpiečyć lepšuju kaardynacyju pamiž fiederalnymi, rehijanalnymi i miascovymi ŭładami, halinovymi viedamstvami i pryvatnymi apieratarami.
Elektramahnitnaja zbroja — heta hrupa ŭzbrajeńniaŭ, u jakim dla nadańnia pačatkovaj chutkaści snaradu vykarystoŭvajecca mahnitnaje pole abo cel źniščajecca niepasredna z dapamohaj elektramahnitnaha vypramieńvańnia.
Abstalavańnie i elektronika pry hetym vyvodzicca z ładu za košt pieranapružańnia sietki. Havorka ŭ dadzienym vypadku idzie ab nieśmiarotnaj zbroi, jakaja pracuje za košt asvajeńnia enierhii elektramahnitnaha impulsu.
Raniej daradca pieršaha namieśnika kiraŭnika kancerna «Radyjoelektronnyja technałohii» Uładzimir Michiejeŭ śćviardžaŭ, što ŭ Rasiei prachodziać palihonnyja vyprabavańni hetaha vidu ŭzbrajeńniaŭ.
