Fota Siarhieja Hudzilina
Minuły vierasień u Biełarusi staŭ samym ciopłym za apošnija 74 hady. Takaja infarmacyja raźmieščana na sajcie Hidramieta Minpryrody, piša BiełTA.
«Vierasień charaktaryzavaŭsia pieravahaj pa-letniamu ciopłaha nadvorja. I tolki ŭ treciaj dekadzie miesiaca pachaładała. Siaredniaja za miesiac tempieratura pavietra skłała 13—16,5 hradusa ciapła, što na 2—3,5 hradusa vyšej za klimatyčnuju normu. Takim ciopłym vierasień u Biełarusi vydaŭsia ŭpieršyniu za paślavajenny pieryjad», — havorycca ŭ paviedamleńni.
Siaredniasutačnaja tempieratura pavietra na bolšaj častcy terytoryi krainy tolki 22-23 vieraśnia paniziłasia da 14 hradusaŭ ciapła, što ŭ klimatałohii ličycca zakančeńniem leta. Heta ŭ siarednim na dźvie dekady paźniej za zvyčajnyja terminy. Bolšuju častku miesiaca siaredniasutačnaja tempieratura pavietra znachodziłasia ŭ miežach plus 13-19 hradusaŭ.
