U Minsku niavyjeŭleny aŭtamabil naśmierć źbiŭ piešachoda i źjechaŭ ź miesca avaryi. Pra heta paviedamili ŭ DAI HUUS Minharvykankama.
Śmiarotnaja avaryja adbyłasia 14 kastryčnika, kala 19.35, na vulicy Kasmanaŭtaŭ. Pavodle papiaredniaj infarmacyi, nieŭstalavany aŭtamabil jechaŭ z boku praśpiekta Dziaržynskaha ŭ napramku vulicy Jasienina i ździejśniŭ najezd na 67-hadovuju žančynu, jakaja pierachodziła darohu pa-za piešachodnym pierachodam.
U vyniku DTZ žančyna ad atrymanych traŭmaŭ pamierła na miescy zdareńnia. Kiroŭca ź miesca avaryi źjechaŭ.
U Miensku ŭviedzieny płan «Pierachop». Prykmiety transpartnaha srodku: lehkavy aŭtamabil, jak miarkujecca sierabrystaha koleru, z raźbitaj piaredniaj pravaj faraj.
DAI prosić tych, chto vałodaje infarmacyjaj pra aŭto albo vinavataha ŭ DTZ, paviedamić pa telefonie 8 017 222-17-17 albo 102.