Alaksandr Łukašenka patrabuje bolš aktyŭna raźvivać impartazamiaščeńnie i zmahacca z pasrednictvam. Adpaviednyja zadačy kiraŭnik dziaržavy pastaviŭ siońnia premjer-ministru Siarhieju Rumasu, piša BiełTA.
«My adkryli vytvorčaść lehkavych aŭtamabilaŭ. Pahladzicie, kolki tam biełaruskaha — mizer. A nam treba, kab my rabili ŭsie svajo. Davajcie budziem rabić tam siadzieńni dla aŭtamabilaŭ, chaj z časam — ruchaviki, tranśmisii», — adznačyŭ Alaksandr Łukašenka.
Jon padkreśliŭ, što biełaruskim pradpryjemstvam treba pierajmać suśvietnyja technałohii, zakuplać adpaviednaje abstalavańnie i vyrablać pa impartazamiaščeńni usio nieabchodnaje.
«Hetaha chopić na ŭsio naša žyćcio i našym dzieciam dla raźvićcia ekanomiki, — skazaŭ kiraŭnik dziaržavy.— My jašče pa imparcie stolki zavozim, što ŭ vačach časam stanovicca ciomna: ad zubačystak da ruchavikoŭ. Impartazamiaščeńnie — vielmi važnaje pytańnie. Ničoha nie treba vydumlać, treba stavić stanki, technałahičnaje abstalavańnie i vyrablać kamplektujučyja».
Zakranajučy prablemu pasiarednictva, Alaksandr Łukašenka źviarnuŭ uvahu, što jana časta stanovicca asnovaj dla karupcyjnych schiem.
«Za što ludzi iduć u śledčy izalatar, a potym u turmu, i pierš za ŭsio čynoŭniki? Usie paviazanyja pasrednickimi schiemami. I što dzivić — u nas pasiaredniki navat na biełaruskuju pradukcyju. U Minsku vyrablajem, i praz pasiarednika minskija pradpryjemstvy kuplajuć», - aburyŭsia jon.
