U Kanadzie 17 kastryčnika ŭstupiŭ u siłu zakon, jaki lehalizuje zachoŭvańnie i vykarystańnie marychuany ŭ rekreacyjnych metach, paviedamlaje BBC News. Apoŭnačy ŭ pravincyjach krainy adkrylisia pieršyja kramy pa prodažy kanabisu.
Paŭnaletnim žycharam Kanady dazvolili kuplać u licenzavanych kramach da 30 hramaŭ vysušanaha liścia marychuany, a taksama alej na ich asnovie, nasieńnie i raśliny. Hramadzianam dazvolili vyroščvać da čatyroch kustoŭ kanoplaŭ. Pradukty na asnovie kanoplaŭ dla ŭžyvańnia ŭ ježu pačnuć pradavać praz hod paśla ŭstupleńnia zakona ŭ siłu.
Niezakonnym zastaniecca zachoŭvańnie bolš za 30 hramaŭ marychuany, kupla ŭ pradaŭcoŭ bieź licenzii i vyroščvańnie bolš za čatyry kustoŭ. Za prodaž kanoplaŭ niepaŭnaletnim pahražaje da 14 hadoŭ pazbaŭleńnia voli.
Ułady Kanady źbirajucca ŭ paskoranym paradku pamiłavać ludziej, jakich asudzili za zachoŭvańnie da 30 hramaŭ marychuany, paviedamlaje Associated Press sa spasyłkaj na ananimnaha kanadskaha čynoŭnika. Za zachoŭvańnie kanoplaŭ ŭ Kanadzie asudžanyja kala 500 tysiač čałaviek.
