Hrupa Ukantakcie «DTP i ČP | Leninhradskaja obłasť onłajn | SPb»
Ratavalniki razabrali za noč bolš za 80% zavałaŭ na miescy vybuchu, jaki prahrymieŭ u cechu zavoda «Avanhard» ŭ vioscy Małyja Kałpany kala horada Hatčyna Leninhradskaj vobłaści Rasii. Pra heta paviedamlaje TASS sa spasyłkaj na MNS.
«Pa stanie na 07:00 razabrana bolš za 80% zavałaŭ. U ciapierašni momant viadoma pra 11 paciarpiełych, čaćviora ź jakich zahinuli. Dva čałavieki zastajucca ŭ balnicy », - havorycca ŭ paviedamleńni pres-słužby HU MNS pa Leninhradskaj vobłaści.
Uviečary ŭ piatnicu TASS paviedamlaŭ, što adzin z zahinułych, jak miarkujecca, hramadzianin Biełarusi.
«Paćvierdžany zahinuły: mužčyna, jak miarkujecca, hramadzianin Respubliki Biełaruś», - skazali ŭ pres-słužbie ŭrada Leninhradskaj vobłaści
