Minski aŭtamabilny zavod vypuściŭ pieršy aŭtobus vialikaj umiaščalnaści sa šturchajučym pryvadam i najnoŭšym vuzłom sučlanieńnia ad kampanii Hubner, jaki jašče nie vykarystoŭvaŭsia ŭ śviecie. Pieršyniec budzie pradstaŭleny na mižnarodnym aŭtobusnym sałonie Busworld, jaki projdzie ŭ Maskvie z 23 pa 25 kastryčnika, paviedamlaje pres-słužba pradpryjemstva.
MAZ 216 stanie pieršym sučlenienym biełaruskim aŭtobusam z zadniamatornaj kampanoŭkaj. Siłavy pryvad budzie znachodzicca ŭ chvastavoj častcy«harmonika». U vyniku inžyniery zrabili cichi i prastorny sałon, daŭšy bolš svabodnaha miesca pasažyram, u tym liku maci ź dziećmi i małamabilnych hrup nasielnictva. Novy aŭtobus zrobleny całkam nizkapolnym - vyšynia prystupki nad uzroŭniem darohi składaje 34 sm, a pry vykarystańni kliransa - 27 sm.
Siarod adroźnieńniaŭ — unikalny vuzieł sučlanieńnia 24.2 niamieckaj firmy Hubner, jaki adroźnivajecca ad sieryjnaj viersii 19.5. Upieršyniu jaho aprabujuć jakraz na biełaruskim aŭtobusie.
Aŭtobus «raściahnuŭsia» u daŭžyniu na 18 m pry šyryni ŭ 2,55 m i vyšyni ŭ 3,1 m.
Unutry praduhledžana 40 siadzieńniaŭ, a ŭsiaho ž u sałonie źmieścicca kala 170 čałaviek.
