kremlin.ru
Parłamient Armienii ŭ sieradu nie abraŭ Nikoła Pašyniana na pasadu premjer-ministra ŭ pieršym tury hałasavańnia, paviedamlaje Armianskaja słužba Radyjo Svaboda. Pašynian byŭ adzinym kandydatam. Jaho vyłučyła parłamienckaja frakcyja «Jełk». Druhi tur hałasavańnia pa vybarach premjera ŭ parłamiencie Armienii adbudziecca 1 listapada.
Try parłamienckija frakcyi admovilisia ad hałasavańnia, a frakcyja «Jełk» ustrymałasia. U vyniku za kandydaturu Pašyniana prahałasavali 0 deputataŭ, 1 deputat prahałasavaŭ suprać, 11 ustrymalisia.
16 kastryčnika Pašynian abviaściŭ pra adstaŭku z pasady kiraŭnika ŭrada. Jon zrabiŭ hety krok dla praviadzieńnia daterminovych vybaraŭ u zakanadaŭčy orhan, u jakim zaraz samaja bujnaja frakcyja pradstaŭlena byłoj kiroŭnaj Respublikanskaj partyjaj.
Ciapier, kali na praciahu tydnia nie ŭdasca abrać novaha premjera — a mienavita hetaha damahajucca Pašynian i jaho kamanda — Nacyjanalny schod krainy budzie raspuščany siłaj zakona. U takim vypadku daterminovyja parłamienckija vybary projduć u pieršaj pałovie śniežnia.
