Fota MZS
Načalnik upraŭleńnia infarmacyi i ličbavaj dypłamatyi — pres-sakratar MZS Anatol Hłaz prakamientavaŭ žurnalistam zajavu ministra zamiežnych spraŭ Ukrainy Paŭła Klimkina, paviedamlaje BiełTA.
Napiaredadni Pavieł Klimkin zajaviŭ, što znachodžańnie ŭkrainskich hramadzian na terytoryi Biełarusi moža być patencyjna niebiaśpiečnym, bo na joj dziejničajuć rasijskija ŭładnyja struktury.
«Našy ŭkrainskija kalehi pierastroilisia na myśleńnie vyklučna vajennymi katehoryjami, u tym liku i ŭ dačynieńni da samaha blizkaha svajho susieda — Respubliki Biełaruś. Litaralna ŭčora ŭ Vienie jany namalavali strašyłki pra niejkija tankavyja armady, napadnikaŭ na Ukrainu z terytoryi Biełarusi. Choć prezident našaj krainy nieadnarazova kazaŭ, što «akupavać» Ukrainu mohuć tolki armady biełaruskich traktaroŭ abo kambajnaŭ», — skazaŭ Anatol Hłaz.
Taksama Anatol Hłaz nahadaŭ, što ministr zhadaŭ pra niebiaśpieki dla ŭkrainskich hramadzian u Biełarusi. «Niama sensu kamientavać hetuju bajku. Davajcie spytajem u 160 tys. ukrainskich biežancaŭ, jakija ŭ rozny čas prybyli ŭ našu krainu, dzie im biaśpiečniej žyć, vučycca i pracavać. Abo ŭ paŭtara miljona ŭkrainskich hramadzian, jakija naviedali Biełaruś tolki sioleta. Ja dumaju, što my pačujem vyrazny, jasny adkaz na pastaŭlenyja pytańni», — adznačyŭ pres-sakratar MZS.
