Uzrovień bajavoj i apieratyŭnaj padrychtoŭki rasijskich vojskaŭ pavinien być pavyšany, zajaviŭ prezident Rasii Uładzimir Pucin na sustrečy z vyšejšymi aficerami i prakurorami.
«Treba ŭ poŭnaj miery ŭličvać dośvied vajennych apieracyj u Siryi, charaktar patencyjnych pahroz, vyrašać usie bolš składanyja, šmat płanavyja zadačy», — skazaŭ viarchoŭny hałoŭnakamandujučy, adznačyŭšy, što takija zadačy rasijskija vajskoŭcy ŭžo adpracoŭvali ŭ chodzie najbujniejšych u historyi RF vučeńniaŭ «Uschod 2018».
Razam z tym, jak padkreśliŭ kiraŭnik dziaržavy, «Rasija nikomu nie pahražaje i stroha vykonvaje pryniatyja na siabie abaviazacielstvy ŭ śfiery mižnarodnaj biaśpieki i kantrolu za ŭzbrajeńniami». «Pry hetym naš abaviazak zrabić usio nieabchodnaje dla nadziejnaj abarony Radzimy».
