Adno z samych siamiejnych nacyjanalnych śviataŭ ZŠA adznačajecca z 1621 h.
Siońnia amerykancy adznačajuć Dzień padziaki (Thanksgiving Day). Adno z samych siamiejnych nacyjanalnych śviataŭ ZŠA adznačajecca z 1621 hodu.
Pačałosia ŭsio ź pieršych pierasialencaŭ z Anhlii, jakija ŭ 1620 hodzie vysadzilisia na bierazie Ameryki. Na terytoryi sučasnaha štatu Masačusets była zasnavanaja Plimuckaja kalonija. Pieršyja žychary toj kalonii z dapamohaj indziejcaŭ pačali vyroščvać miascovyja kultury.
Atrymaŭšy pieršy bahaty ŭradžaj, vyrašyli pryśviacić adzin dzień padziakam Bohu za jahonuju ščodraść.Za śviatočny stoł zaprasili indziejcaŭ. Tyja, pavodle lehiendy, prynieśli z saboj ptušku, jakuju paźniej nazvali indyčkaj. Z toj pary miasa hetaj ptuški ŭ Dzień padziaki – tradycyjnaja strava na stale amerykancaŭ. Akramia jaje stoł upryhožvajuć sałodki piroh z harbuzovym načyńniem, kukuruza, sadavina i arechi, a taksama vosieńskija kvietki.
Pavodle tradycyi, u hety dzień niekalki pakaleńniaŭ amerykancaŭ źbirajucca ŭ domie samych starejšych. Za śviatočnym stałom pa čarzie dziakujuć za ŭsio toje dobraje, što adbyłasia ŭ ichnym žyćci.
A ŭ Ńju-Jorku hety dzień ad 1927 hodu adznačajuć hrandyjoznym paradam, jaki ładzić bujniejšy ŭ śviecie ŭnivermah «Mejsi». Sioleta ŭ paradzie prymie ŭdzieł kala 3,5 miljonaŭ čałaviek.
Dzień padziaki šanujuć taksama ŭ Kanadzie. Tut jaho adznačajuć u druhi paniadziełak kastryčnika.
Repradukcyja karciny Žana-Lui Fery "Pieršy dzień padziaki".
