Rasija i Biełaruś majuć bajavyja mahčymaści dla adbićcia luboj ahresii, zajaviŭ pasoł Rasii ŭ Biełarusi Michaił Babič na terytoryi rasijskaj vajskovaj čaści, dysłakavanaj u Bresckaj vobłaści, paviedamlaje TASS.
Fota: Wikimedia Commons.
«Prezident Biełarusi absalutna maje racyju: na siońnia bajavych mahčymaściaŭ rasijskich Uzbrojenych sił, biełaruskich Uzbrojenych sił dastatkova dla adbićcia luboj ahresii luboha praciŭnika. U siońniašniaj situacyi rabić ničoha nie treba», — skazaŭ Babič.
Babič dadaŭ, što «siońnia ŭsiaho dastatkova, kab lubuju zadaču vyrašyć u ramkach sumiesnaj hrupoŭki vojskaŭ i sił». «A kali situacyja budzie mianiacca, to našy prezidenty znojduć rašeńnie, i takija mahčymaści ŭ nas jość», — zajaviŭ Babič.
Tak jon prakamientavaŭ vykazvańni Alaksandra Łukašenki pra toje, što Minsk suprać raźmiaščeńnia rasijskaj vajskovaj bazy na terytoryi Biełarusi.
Čytajcie taksama: Łukašenka — analitykam ZŠA: My kateharyčna suprać raźmiaščeńnia ŭ nas vajskovaj bazy Rasii
